Բուժում բարորակ հանգույցների համար

Ինչ է առաջարկում միջամտական ռադիոլոգիան բարորակ հանգույցների բուժման համար

Միջամտական ռադիոլոգիայի նվազագույն ինվազիվ մեթոդներից մեկը՝ աբլացիան, կիրառվում է վահանաձև գեղձի հանգույցների բուժման համար:

Ու՞մ համար է աբլացիան

Աբլացիայի մեթոդով բուժումն այն մարդկանց համար է, որոնք ունեն հանգույցով պայմանավորված անհանգստացնող ախտանշաններ կամ հիպերթիրեոզ: Աբլացիան կատարվում է,

• երբ առկա է կարծր (կամ մեծ մասով կարծր) հանգույց, որը բիոպսիայով հաստատվել է որպես բարորակ,
• տաք հանգույց, որն առաջացրել է հիպերթիրոիդիզմ, այսինքն՝ հորմոննորի գերարտադրություն
• խառը տիպի՝ կիստոզ-հյուսվածքային բարորակ հանգույցներ (որի դեպքում կատարվում է համակցված բուժում՝ էթանոլային աբլացիա և ջերմային աբլացիա)
• հարվահանաձև գեղձի ադենոմատոզ հանգույցներ
• պապիլյար միկրոկարցինոմա 

և երբ հանգույցն առաջացնում է գանգատներ, ինչպիսիք են

• կլման ակտի դժվարացում
• գնդի զգացողություն կոկորդում,
• ցավ
• կոսմետիկ դեֆեկտ՝ արտափքված պարանոց:

Ի՞նչ կտա աբլացիան բուժառուին

Միջամտական ռադիոլոգիայի (ՄՌ) մեթոդներն ունեն մի շարք առավելություններ ավանդական վիրաբուժությունից: Մասնավորապես՝ աբլացիան, ոչնչացնելով հանգույցը, վերացնում է գանգատները։ Այս մեթոդով ոչ միայն պահպանվում է գեղձի ֆունկցիան, այլև դեղորայքի ընդունման կարիք չի լինում:

Այս ժամանակակից մեթոդի առավելություններն են.

• արտահիվանդանոցային (ամբուլատոր կարգով իրականացվող) միջամտություն է
• չի պահանջում ընդհանուր անզգայացում
• չի պահանջում ապաքինման շրջան
• միջամտությունից հետո սպի չի առաջանում
• պահպանվում է գեղձի առողջ հյուսվածքը, չի վնասվում գեղձի ֆունկցիան:
• հարվահանաձև գեղձի ադենոմաների դեպքում՝ բարելավվում է գեղձի ֆունկցիան։